«Халал Даму» жауапкершілігі шектеулі серіктестігі – 2014 жылғы 8 қазанда Қазақстан мұсылмандары діни басқармасы жанынан құрылған, шариғат талаптары мен халал стандарттарына сәйкес өнімдер мен қызметтерді сертификаттаумен айналысатын мекеме.
⠀
2018, 2021 жылдары «Халал Даму» ЖШС Малайзияның Исламды дамыту департаменті (JAKIM) тарапынан аккредиттелді. 2024 жылы Қазақстан Республикасының ұлттық аккредиттеу жүйесі бойынша ҚР СТ OIC/SMIIC 2-2022 «Сәйкестікті бағалау. Халал сертификаттауды жүзеге асыратын органдарға қойылатын талаптар» мемлекеттік стандартына сәйкес аккредиттеуден өтті.
«Халал» дегеніміз –«рұқсат етілген», «адал» деген мағынаны білдіретін, Ислам дініне ғана тән, мұсылмандардың күнделікті тыныс-тіршілігіне қатысты шариғат тыйым салмаған іс-әрекеттер шеңберін қамтитын ұғым.
Тұтынушыларға сенім кепілдігіне ие болған, халал стандартына сай сертификатталған өнім мен қызмет түрлерін ұсыну
Отандық кәсіпорындарға қолдау көрсете отырып, халал индустриясын дамыту
«QMDB Halal» сертификаты халықаралық халал нарығына жол ашады.
Сертификатталған өнім мен қызмет түрлері тұтынушылар тарапынан жоғары бағаланады.
Халал сертификатын алған кәсіпорындар жоғары сапа мен сенімге ие болады.
Кәсіпорындарға әрдайым ақпараттық, кәсіби, біліктілікті арттыру бойынша қолдау көрсетіледі.
