АЛМАТЫ ОБЛЫСЫНЫҢ ӨНДІРІСТІК КӘСІПОРЫНДАРДА ХАЛАЛ ТАЛАПТАРЫНА СӘЙКЕСТІК БОЙЫНША АУДИТ ЖҮРГІЗІЛДІ

Алматы облысында орналасқан «Zigi zagi», «Mecca cola» және «A Product» өндірістік кәсіпорындарында халал талаптарының сақталуына қатысты жоспарлы аудит өткізілді.

Іс-шара барысында өндірістік процестердің ұйымдастырылуы, пайдаланылатын шикізаттың халал талаптарына сәйкестігі, дайын өнімді сақтау және тасымалдау шарттары зерделенді. Сонымен қатар өндірістік нысандардың санитарлық жағдайы, технологиялық тәртіптің сақталуы және құрал-жабдықтардың тазалығы назарға алынды.

Аудит нәтижесінде кәсіпорындарда халал стандарттарын сақтау бағытында тиісті жұмыстардың жүргізіліп жатқаны анықталды.

Шара барысында өндірістік қызметті одан әрі жетілдіруге қатысты бірқатар ұсынымдар берілді.