ОРАЛ ҚАЛАСЫНДА «РАМАЗАН СЫЙЫ» ҚАЙЫРЫМДЫЛЫҚ СЕБЕТТЕРІНЕ ТЕКСЕРІС ЖҮРГІЗІЛДІ

Орал қаласында «Рамазан сыйы» акциясы аясында мұқтаж отбасыларға таратылатын қайырымдылық себеттеріне тексеріс жүргізілді.

Тексеру барысында себеттерге салынған азық-түлік өнімдерінің халал талаптарына сәйкестігі, сапасы және сақтау шарттары қарастырылды. Аудит жұмыстары «Халал Даму» мекемесінің мамандары тарапынан жүзеге асырылды.

Аталған шараның мақсаты – Рамазан айында мұқтаж жандарға ұсынылатын тағамдардың адал әрі сапалы болуын қамтамасыз ету. Сонымен қатар, қайырымдылық көмектерінің халал талаптарына толық сәйкес келуіне ерекше назар аударылды.