АЛМАТЫ ОБЛ.: ҚАРАСАЙ АУДАНЫНДАҒЫ ҚАСАПХАНАДА БАҚЫЛАУ-ҚАДАҒАЛАУ ЖҰМЫСТАРЫ ЖҮРГІЗІЛДІ

Алматы облысы Қарасай ауданы Қошмамбет ауылында орналасқан қасапханада бақылау-қадағалау шаралары жүргізілді.

Тексеру жұмыстарын «Халал Даму» директоры Айбек Асқарбекұлы және Алматы облысы бойынша жауапты өкілі Жанәбіл Жұмабеков жүзеге асырды.

Бақылау барысында кәсіпорынның өндірістік үдерістері, санитарлық-гигиеналық талаптарды сақтау деңгейі және халал стандарты талаптарының орындалуы назарға алынды. Сонымен қатар, мал сою тәртібі мен өндіріс кезеңдеріндегі халал талаптарының сақталуына мониторинг жүргізілді.

Мұндай бақылау-қадағалау жұмыстары халал өнімдердің сапасы мен тұтынушылар сенімін арттыруға, сондай-ақ кәсіпорындардың халал стандарттарына сәйкестігін қамтамасыз етуге бағытталған.