Доңыз жүрегінің хромосомалары адамдыкіне ұксас екені дәлелденген. Адам жанын сақтап қалу үшін сол доңыздың жүрегін адам жүрегінің орнына орнатуға бола ма?

Ислам ғұламаларының көзқарасы бойынша доңыздың ешқандай затын пайдалануға болмайды. Өйткені Аллаһ тағала Құран Кәрімде: «Шынайы түрде сендерге өлексені, (арам өлген малды), қанды, доңыз етін және Алладан басқаның атымен бауыздалғанды арам кылды» (Бақара cүpeci 173 аят). Ғалымдар осы аяткқа сүйеніп доңыздың бірде-бір затын пайдалануға болмайды деп пәтуа берген. Өйткені аятта доңыздың еті аталғанмен, еті барлық денесіне ишарат.