АЛМАТЫ: АЙЛЫҚ АУДИТ ЖАЛҒАСУДА

Алматы қаласындағы кәсіпорындарда айлық аудит жұмыстары жүргізілуде. Атап айтқанда, «Ким Максим», «Бижан Ет Өңдеу зауыты», «Ерназар», «Begemot almaty», «Nauryz Food», «Dream Product», «Копбатырова», «Lanzhou Company» кәсіпорындары тексерілді. Бақылау-қадағалау шараларын «Халал Дамудың» жергілікті мамандары Өміржан Терлікбаев пен Жансая Есіркеген орындады.

Тексеріс барысында кәсіпорындардың өндірістік цехтары, қоймалары, шикізат қабылдау аймақтары және дайын өнімді қаптау орындары жан-жақты қаралды. Сондай-ақ құжаттамалар, өнімдердің шығу тегі, технологиялық карталар, қосымша қоспалардың құрамы мен олардың халал талаптарына сәйкестігі жіті зерделенді. Мамандар қызметкерлердің санитариялық-гигиеналық талаптарды сақтау деңгейін, құрал-жабдықтардың тазалығын тексерді. Аудит нәтижелері бойынша бірқатар ұсыныстар беріліп, талаптарды күшейтуге бағытталған түсіндіру жұмыстары жүргізілді.