ИОГУРТТЫҢ БӘРІ ХАЛАЛ МА?

Бүгінде дүкен сөрелерінде әртүрлі дәмдегі, түрлі қоспалары бар иогурттар көптеп кездеседі. Көпшілігіміз еш ойланбастан кез келген иогуртты сатып алып, тұтынамыз. Алайда, шын мәнінде олардың барлығы бірдей халал емес. Бұл мәселе әсіресе халал өнімді тұтынушылар үшін аса маңызды.

Иогурт құрамындағы күмәнді қоспалар:

Иогурт өндірісінде қолданылатын кейбір тағамдық қоспалар халал талаптарына сай келмеуі мүмкін. Сол себепті құрамына назар аудару қажет.

1. Желатин (E441) – желатин көбіне доңыздың терісі мен сүйегінен алынады. Егер ол өсімдік немесе халал малдан алынғаны көрсетілмесе, мұндай қоспа – күмәнді.

2. Кармин (E120) – бұл қызыл түсті табиғи бояғыш. Ол арнайы жәндіктерді (cochineal) ұнтақтау арқылы алынады. Исламда мұндай қоспа рұқсат етілмейді.

3. Полиглицерин полирицинолеаты (E476) – бұл эмульгатор кейде жануар майынан алынады. Егер оның өсімдік текті екені нақты жазылмаса – күмәнді қоспаға жатады.

4. Сычужный фермент (Rennet) – иогурт пен ірімшік өндірісінде қолданылатын фермент. Егер ол шариғатқа сай бауыздалған, халал малдан алынбаса – күмәнді болып есептеледі.

Иогурттарда кездесетін халал қоспалар:

Халал стандарттарына сәйкес өндірілген иогурттарда күмәнді немесе харам қоспалар болмайды. Олар көбіне мынадай қоспаларды пайдаланады:

1. Өсімдік текті қоюландырғыштар: пектин (E440), карагинан (E407);

2. Табиғи жеміс-жидек дәмдері мен хош иістендіргіштер;

3. Сондай-ақ, қаптамасында арнайы «халал» таңбасы көрсетіледі

Қорытынды

Барлық иогурт бірдей халал емес. Сондықтан ең бастысы – өнімнің құрамын мұқият оқу және күмәнді қоспалардан сақтану. Ең сенімді жол – халал сертификаты бар иогурттарды таңдау.