ҚОСТАНАЙ ҚАЛАСЫНДА ӘЙЕЛ ЖАМАҒАТЫНА АРНАЛҒАН СЕМИНАР ӨТТІ

Қостанай қаласында әйел жамағатына арналған «Халал – белгі емес, бұл – аманат» тақырыбында семинар ұйымдастырылды.

Іс-шара «Халал Даму» мамандарының қатысуымен, Айбек Асқарбекұлының жетекшілігімен өтті. Семинар барысында халал ұғымының мәні, адал ас тұтынудың маңыздылығы және күнделікті өмірде халал талаптарын ұстанудың жауапкершілігі түсіндірілді.

Кездесудің негізгі мақсаты – әйел жамағатының халал өнімдерге қатысты сауаттылығын арттырып, адалдық пен тазалық қағидаттарын насихаттау.

Халал – тек өнімге қойылатын талап емес, ол – әрбір мұсылманның мойнындағы аманат әрі жауапкершілік.