ҚЫРҒЫЗСТАНДЫҚ МАМАНДАР ҚМДБ «ХАЛАЛ ДАМУ» МЕКЕМЕСІНІҢ ЖҰМЫС БАРЫСЫМЕН ТАНЫСТЫ

Қазақстан мұсылмандары діни басқармасының «Халал даму» мекемесінде Қырғызстан мұсылмандары діни басқармасының «Халал» бөлімінен келген мамандармен тәжірибе алмасу кездесуі өтті.

Кездесу барысында қырғызстандық мамандар «Халал даму» мекемесінің қызметкерлерімен жеке-жеке тілдесіп, олардың жауапты бағыттары бойынша жұмыс ерекшеліктерімен танысты және ақпарат алмасты.

Сонымен қатар қонақтарға халал сертификаттау үдерісі, өндіріс орындарында жүргізілетін бақылау-тексеру жұмыстары, мониторинг жүйесі және құжаттарды жүргізу тәртібі таныстырылды. Мамандар өз тәжірибелерімен бөлісіп, халал индустриясын дамытудағы өзекті мәселелер мен оларды шешу жолдарын талқылады.