ОРАЛ ҚАЛАСЫНДА СҮТ ЖӘНЕ ШҰЖЫҚ ӨНІМДЕРІНЕ ТЕКСЕРІС ЖҮРГІЗІЛДІ

Орал қаласында «Халал Даму» мамандары сүт және шұжық өнімдеріне тексеріс жұмыстарын жүргізді.

Тексеру барысында өнімдердің құрамы, пайдаланылатын шикізат пен тағамдық қоспалардың халал талаптарына сәйкестігі қаралды. Сондай-ақ өндіріс барысында белгіленген халал стандарттарының сақталуына назар аударылды.

Мұндай тексерістер халал талаптарының орындалуын бақылауға және тұтынушыларға ұсынылатын өнімдердің сенімділігін қамтамасыз етуге бағытталған.