ТҮРКІСТАН ОБЛЫСЫ МЕН ШЫМКЕНТ ҚАЛАСЫНДА АЙЛЫҚ АУДИТ ЖҮРГІЗІЛДІ

«QMDB HALAL» стандарты аясында Түркістан облысы мен Шымкент қаласында айлық жоспарға сәйкес аудит жұмыстары жүргізілді.

Аудит барысында «Балмұздақ» ЖШС, «Алтын Адал Ас» қоғамдық тамақтану орны, «Ясин» және «Salam Bro» кәсіпорындарының өндірістік және қызмет көрсету процестері тексерілді.

Тексеру барысында халал стандарты талаптарының сақталуы, өндіріс үдерісі, қолданылатын шикізат пен дайын өнімнің талаптарға сәйкестігі зерделенді. Аудит нәтижелері бойынша кәсіпорындарға тиісті ұсынымдар беріліп, халал талаптарының тұрақты сақталуына бақылау жүргізілетін болады.