ЖАМБЫЛДАҒЫ КӘСІПОРЫНДАР ТЕКСЕРІЛДІ

«Халал Даму» ұйымының технологы Мейіржан Бауыржанұлы, Жамбыл облысы бойынша өкіл Аблайхан Ғабитұлы және жергілікті технолог Аймекен Амангелдіқызы өңірдегі кәсіпорындарға жоспарлы тексеріс жұмыстарын жүргізді. Тексеру барысында нысандардың шариғат талаптарына сәйкестігі, санитариялық-гигиеналық тазалық деңгейі, құжаттамалар мен өндіріс үдерістерінің халал стандарттарына сай орындалуы қаралды.

Атап айтқанда, «Chefstar», «Daily Food», «Tary», «Nauat», «Adal Chicken», «Аль-Каусар» (Қонаева), «Аль-Каусар» (Жайлау), «Muslim», «Marvarid», «Kish-mish», «Ristretto», «Nanduk», «Abayas» дәмханалары, сондай-ақ «АсКөп» жартылай дайындалған өнімдер цехы, «Aq Altyn», «Жуалы» сүт зауыты, «ТиМ», «Сатыбалды»  шұжық өндірісі  тексерілді.

Тексеріс барысында технологтар өндіріс орындарын аралап, шикізаттың тазалығы, құрал-жабдықтардың жарамдылығы, бөлмелердің санитариялық талаптарға сәйкестігі және халал талаптарының сақталуын қадағалады. Кейбір кәсіпорындарда анықталған ескертулер кәсіпорын басшылығына жеткізіліп, оларды жою бойынша нақты ұсыныстар берілді. Сондай-ақ, тексерістің оң нәтижесін көрсеткен бірнеше кәсіпорынға «QMDB Halal» сертификаты табысталды.