АЛМАТЫ ОБЛ.: ХАТЫМХАНАНЫҢ АС МӘЗІРІ ТЕКСЕРІЛДІ

Алматы облысы, Іле ауданы, «Сәбденұлы Өтеген батыр» хатымханасының ас мәзеріне қойылатын тағамдар тексерілді. Бақылау-қадағалау шараларын «Халал Дамудың» жергілікті өкілі Жанәбіл Жұмабеков орындады.

«Бұл шараның басты мақсаты — Рамазан айында арнайы дайындалатын тағамдардың халал талаптарына сай болуын қамтамасыз ету. Тексеру барысында ас мәзіріндегі барлық өнімдердің құрамындағы ингредиенттер мен олардың дайындалу процесі мұқият қарастырылып, исламдық діни нормаларға толық сәйкестігі тексерілді. Сондай-ақ, бұл асханалардың халал өнімдер ұсынуына кепілдік беріп, тұтынушылардың сенімін арттыруға бағытталған маңызды шара», – деді жергілікті өкіліміз.