ӨЗБЕКСТАНДА АУДИТ ЖАЛҒАСУДА

«Халал Даму» мамандары Гүлмира Маратқызы, Мейіржан Бауыржанұлы, Қазбек Сарыбаев Өзбекстандағы кәсіпорындарда аудит жұмыстарын жалғастыруда. Бүгін «N Medov» кондитерлік және жылдам дайындалатын кеспе өнімдерін өндіретін кәсіпорын технологтарымен кездесіп, өндіріс аумағында аудит жұмыстарын жүргізді. Сондай-ақ, «Snak line» кәсіпорнының снэк өндірісі барысымен танысты.

Аудит барысында мамандар өнімдердің халал стандарттарына сәйкестігін, өндіріс процесінің әрбір кезеңін және қолданылатын шикізаттың тазалығын мұқият тексерді. Кәсіпорындардың өндірістік қуаттары мен жұмыс жағдайлары, сонымен қатар санитарлық-гигиеналық талаптарға сәйкестігі де тексеріліп, тиісті түзетулер енгізілді.

«Snak line» кәсіпорнында мамандар снэк өнімдерінің өндірісі мен олардың құрамындағы ингредиенттерге талдау жүргізді. Өнімдердің құрамында халал стандарттарына сәйкес келмейтін ешқандай элементтердің болмауы және өндірістің әртүрлі кезеңдеріндегі бақылау жүйесінің дұрыс ұйымдастырылғандығы қадағаланды.

«Аудит нәтижелері бойынша кәсіпорындарға қажетті ұсыныстар мен ескертпелер беріліп, өнімдердің сапасы мен халал мәртебесі сақталуын қамтамасыз ету үшін арнайы шаралар қабылданды. Бұл жұмыстардың басты мақсаты – Өзбекстандағы кәсіпорындардағы халал өнімдерінің сапасын арттыру және тұтынушыларға қауіпсіз әрі сенімді өнімдер ұсыну», – дейді маманымыз.