СҮТ ЖӘНЕ СҮТ ӨНІМДЕРІ

Cүт және сүт өнiмдeрi күндeлiктi тұтынaтын өнiмдeр қaтaрынa жaтaды. Уaқыт өткeн caйын cүт өнiмдeрiнiң aлуaн түрi oйлaп тaбылып жaтыр.
⠀
Сүт тез бүлінетін өнімдер қатара жататындықтан, өндіріс орындарында тұтас табиғи шикізатпен қоса, түрлі қоспалар, соның ішінде ашытқылар, қоюлатқыш агенттер, түс беретін бояулар және т.б заттар қолданылады.
⠀
Сүт және сүт өнімдерін таңдау барысында төмендегі қоспаларға назар аударыңыздар:
1. АШЫТҚЫ
Ашытқы - ірімшік, сүзбе, йогурт, кефир және т.б сүтқышқылды өнімдер дайындау барысында қолданылады.
⠀
Егер де, "жануар текті фермент", "фермент" деген жазуды көрсеңіздер, тұтынбағандарыңыз жөн.
Себебі, жануар текті фермент - көп жағдайда доңыздар мен ұсақ малдардың ішкі мүшелерінен (ұлтабар) алынады.
⠀
Доңыздан алынған жағдайда нақты харам, басқа жануарлардан алынған кезде - шариғат талаптарына сәйкес сойылған болу қажет.
⠀
Микробиологиялық, бактериологиялық ашытқы
Шариғат талаптарына қайшы емес, сондықтан осындай жазуы бар сүт өнімін қолдансаңыздар болады.
⠀
2.ЖЕЛАТИН
Өнімнің консистенциясын тұрақты сақтап тұратын эмульгатор ретінде қолданылады.
Желатин - малдың, көп жағдайда доңыздың сүйегін, терісі мен шеміршегін қайнату арқылы алынатын қоспа.
⠀
Доңыздан алынса харам, ал басқа малдардың мүшелерінен алынған жағдайда, шариғат талаптарына сай сойылу қажет. Алайда, дүкен сөрелерінде тұрған өнімдердің құрамында желатиннің қайдан алынғаны көрсетілмейді, сондықтан сақтанғандарыңыз абзал.
⠀
Желатинді алмастырушылар: пектин, агар-агар, крахмал
⠀
3.ЖАНУАР ТЕКТІ ҚОСПАЛАР
Сүттің майлылығын жоғырылату мақсатында қолданылатын май алмастырғыштар - күмәнді
⠀
4.ҚҰРҒАҚ СҮТ (СУХОЕ МОЛОКО)
Құрғақ сүт - сүтті жоғары температурада пастерилизациялап, кептіру арқылы алынады. Бірақ, оның сақтау мерзімін ұзарту үшін қүрамына түрлі қоспалар қосатындықтан күмәнді.
⠀
5.КАРМИН (Е 120)
Кошениль жәндігінен алынатын рұқсат етілмейтін бояу.
Кармин - көп жағдайда йогурт, кефир құрамында кездеседі.
⠀
Сүт өнімдерін таңдау барысында жануар текті фермент, құрғақ сүт, желатин, кармин, сүт майын алмастырғыштардың болмауына аса назар аударыңыздар!

"Халал Даму" ЖШС
технологы Еркетаң Мақсұтова