ШЫМКЕНТ: КӘСІПОРЫНДАРҒА СЕРТИФИКАТ ТАБЫСТАЛДЫ

Шымкент қаласындағы «Сайрам шашлык» жартылай фабрикаттары мен «Tayiba» сүт өнімдері «QMDB Halal» стандарты талаптарына сай сертификатталды. «Халал Дамудың» жергілікті өкілі Қазбек Сарыбаев пен технолог Аружан Аралбай кәсіпорын аумағында аудит жұмыстарын жүргізіп, өндірістің халал талаптарына сәйкестігіне көз жеткізді.

Аудит барысында өндіріс орнының санитарлық жағдайы, шикізаттың қауіпсіздігі, қызметкерлердің жұмыс процесіндегі тазалық сақтау ережелері және өнімнің қапталуы мен сақталу шарттары жан-жақты тексерілді. Сондай-ақ, өндіріс барысында қолданылатын қосалқы заттар мен технологиялық құралдардың да халал талаптарына сай болуы басты назарға алынды.

«Сайрам шашлык» пен «Tayiba» кәсіпорындары барлық көрсетілген талаптарды толық орындап, тұтынушыларға адал әрі сапалы өнім ұсынуға дайын екендіктерін көрсетті. Сертификаттау барысында туындаған сұрақтарға технолог мамандар жауап беріп, халал өндірістің маңыздылығы мен артықшылықтарын түсіндірді.