ӨЗБЕКСТАН: «ISKO» КОНДИТЕРЛІК КӘСІПОРНЫ ТЕКСЕРІЛДІ

Өзбекстандағы «ISKO» кондитерлік кәсіпорнында кезекті аудит жұмыстары жүргізілді. Бақылау-қадағалау шараларын мамандар Гүлмира Маратқызы мен Қазбек Сарыбаев орындады.

Аудит барысында кәсіпорынның өндірістік процесі, қолданылатын шикізат және дайын өнімдердің халал талаптарына сәйкестігі тексерілді.

Мамандар кондитерлік өнімдер өндірісінде қолданылатын барлық материалдардың, әсіресе, тағамдық қоспалардың шариғат талаптарына сай болуын қадағалады. Сонымен қатар, өндіріс процестерінің тазалығы, жұмыс орындарының санитарлық жағдайы, қызметкерлердің гигиеналық нормаларды сақтау деңгейі мен өнімнің сақтау және тасымалдау талаптары бойынша да мұқият тексеріс жүргізілді.

Аудит нәтижесінде «ISKO» кондитерлік кәсіпорнының халал өнім шығару стандартына толық сәйкес екендігі анықталды. Кәсіпорында барлық өндірістік процестер мен қолданылатын материалдар жоғары сапа мен қауіпсіздік талаптарына сәйкес келеді.