Coca-Cola/Orbit/ Snickers өнімдерін неге тексермейсіздер?

Сұрақ: Ассаламуалейкум! Менің сұрағым: Coca-Cola/Orbit/ Snickers секілді әлемдік брендті өнімдерді неге тексермейсіздер? Олар халал ма? Жеуге болады ма?
⠀
Жауап: Уаалейкумассалам!Әрине, сұрағыңыз орынды.
⠀
Алайда, біз сертификаттау жұмысын сол өнімдерді өндіруші компаниялардың рұқсатымен ғана жүргізе аламыз.
⠀
Дүкеннен Coca-Cola/Orbit/ Snickers өнімдерін алып, лабораторияда тексере салып, халал-харам деп айтуға құқығымыз жоқ.
⠀
Әрі нақты "халал" не "харам" екендігін анықтау үшін лабораториялық тексерісен бөлек, өндіріс орнын, шикізат көздерін, өнім өндіру технологиясы секілді барлық тұстарын білуіміз қажет.
⠀
Әрине, сондай көпшілік тұтынатын өнімдер сертификаттаудан өтсе, нұр үстіне нұр болушы еді.
⠀
Біз өз тарапымыздан сондай әлемдік брэндті өнімдерге сертификаттаудан өту жөнінде ұсынып жасап келеміз.
⠀
Тұтынушы ретінде сіздер де сол мекемелерге өз ұсыныстарыңызды жеткізе аласыздар.
⠀
Ал, әзірге, нақты тексеріс жүргізілмегендіктен, Coca-Cola/Orbit/ Snickers секілді танымал өнімдер туралы нақты жауап бере алмаймыз!