АЛМАТЫ ОБЛ.: БЛОК БЕКЕТТЕРДЕ ЫСТЫҚ ТАМАҚ ТАРАТЫЛДЫ

ҚМДБ халал өнімдерін стандарттау бөлімінің Алматы облысы бойынша жауапты өкілі Жұмбеков Жанабіл мен жергілікті «Зекет қоры» өкілдігі облыс аумағындағы блок бекеттердегі әскери және медицина қызметкерлері мен жолаушыларға ыстық тамақ таратты.

Ел-жұртты алаңдатқан қиын-қыстау күнде халықтың амандығы үшін қызмет етіп жүрген блок бекеттердегі қызметкерлер мен жолаушылар дін қызметкерлеріне ризашылықтарын білдіріп, алғыстарын айтты.

«Халал Даму» және «Зекет қоры» қызметкерлері Бас мүфти Наурызбай қажы Тағанұлының жолдаған үндеуін жүзеге асырып, елді дүрбелеңге салған COVID-19 дертінен шипа сұрап, елімізге амандық тілеп дұға жасады.

ҚМДБ халал өнімдерін стандарттау бөлімінің баспасөз қызметі