АЙБЕК АТАШЕВ – ҚМДБ «ХАЛАЛ ДАМУ» ЖШС ДИРЕКТОРЫ (ФОТО)
Бас мүфти Наурызбай қажы Тағанұлының бұйрығымен Айбек Аташев ҚМДБ-ға қарасты «Халал даму» ЖШС директоры болып тағайындалды.
«Аташев Айбек Асқарбекұлы Бас мүфти көмекшісі қызметінен босатылып, ҚМДБ-ға қарасты «Халал даму» ЖШС директоры қызметіне тағайындалсын» делінген Бас мүфти бұйрығында.
Наурызбай қажы Тағанұлы Айбек Асқарбекұлын ресми тағайындау рәсімінде оның дін және мемлекеттік қызмет саласындағы еңбегін ерекше атап өтіп, жаңа қызметіне сәттілік тіледі. Сонымен қатар, халал стандарттау саласы бойынша жаңа жобаларды жүзеге асыруды тапсырды.
