11 наурыз 2023

50

Жаңалықтар

Алматы қаласында бірқатар өндіріс орындары тексерілді

ҚМДБ «Халал Дамудың» Бас сарапшысы Сафиев Данияр кезекті іс-сапарыда Алматы қаласы бойынша жауапты өкіл Чадаев Маратханмен бірге жергілікті кәсіпорындарда тексеріс жүргізді. 

Тексеріс барысында «Magnum» сауда орындары, «Прима Кус» ЖШС, «Джакупов» ЖК ет дүкені, «Сатыбалды» ЖК, «Пир» ЖК және «Nur-Mak.ko» ЖШС шұжық өнімдерінің өндірісі, бекітілген халал стандарттың талап-тәртіптерін сақтау мәселелері, өндірістік техникалық құрал-жабдықтары, шикізат көздері мен тағамдық қоспалары, шариғат шарттары мен стандарт талаптарына сай өнім өндіруі, қызметкерлердің бекітілген талап-ережелерді сақтауы тексерілді.

Комиссия мүшелері жаңадан сертификаттаудан өткен «Прима Кус» фабрикасында  бақылау-қадағалау жұмысын жүргізіп, кәсіпорынға «QMDB Halal» сертификатын табыстады. Құс фабрикасын сертификаттауда қатаң талаптар қоятын «ҚМДБ Халал» мамандары, бекітілген талаптардың сақталуы мен орындалуын, жүзеге асуын қадағалады. Бақылау барысында құс азығының рұқсат етілген, таза болуы, сулы ванна температурасының стандартқа сәйкес келуі, құсты тек «Бисмиллаһ» айтып, қолмен бауыздау, бауыздағаннан кейін стандарт талаптарына сай бекітілген қан ағызу ұзақтығын сақтау, құс өнімдерін тазалау, бөлшектеу барысында санитарлық тазалықты да назардан тыс қалмады. Халал өнімдерді өндіру, өңдеу, дайындау, сақтау, тасымалдау, сатуға қойылатын жалпы стандарт талаптарының орындалуы толықтай тексерілді. 

Бөлісу: