АЛМАТЫДА 6 КӘСІПОРЫН СЕРТИФИКАТТАЛДЫ

Алматы қаласында бірқатар кәсіпорындарға «QMDB HAlAL» сертификаты табысталды. Атап айтқанда, «Berekeli еt», «Ет Әлемі», «Тұздық ет» ет дүкендері, «Фрукт Продукт» кондитерлік өнімдері, «Boston Kebab» және «Original coffee» дәмханалары сертификатталды. 

«Халал Дамудың» Алматы қаласының жауапты өкілі Ерлан Құлмырзаұлы кәсіпорын өкілдеріне сертификат табыстап, кәсіптеріне береке тіледі. «Сертификаттау барысында технолог маманымыз кәсіпорындардың өндіріс аумағында толыққанды аудит шараларын орындап, лабораториялық тексеріс те жүргізілді. Қорытынды тексерістің оң нәтижесінен кейін екі кәсіпорынға да сертификат табыстау жөнінде шешім қабылданды», – дейді өкіліміз.