21 қыркүйек 2022

97

Жаңалықтар

А.Асқарбекұлы «Айғақ» телеарнасына сұхбат берді

«Халал Даму» директоры Айбек Асқарбекұлы Шымкенттегі іссапары барысында жергілікті «Айғақ» телеарнасына сұхбат берді.

Қазақстандағы халал индустриясының даму тенденциясына қызығушылық танытқан шымкенттік БАҚ өкілдері «Халал Даму» жұмысымен танысты.

«Халал – барша мұсылмандардың күнделікті тұрмыс-тіршілігіне қатысты шариғат тыйым салмаған іс-әрекеттер шеңберін қамтитын тек Ислам дініне ғана тән ұғым. Расында, халал мен харам Алла Тағаланың әмірлерімен белгіленеді. Ешбір адам өз білгенімен халалды харам, харамды халал ете алмайды. «Адал», «арам» деген ұғымдарды Алла Тағала бекіткен. Кейінгі кезде елімізде халал өнімге сұраныс артып келеді. Сол себепті халал мен харамды айқындау үшін Қазақстан мұсылмандары діни басқармасы жанынан «Халал Даму» стандарттау және сертификаттау ұйымы құрылды» деп «Халал Даму» ұйымының атқаратын қызметі мен «QMDB halal» таңбасының маңызын түсіндірді.

«Әр жыл сайын әлем бойынша азық-түлікке 22 млрд АҚШ доллары жұмсалады, ал оның 3 миллиарды халал индустриясы саласына кетеді екен. Қазақстанда да бұл көрсеткіш жылдан-жылға артуда, тіпті, көршілес елдерді де халал өніммен қамту мүмкіндіге ие болмақ. 2000 жылдармен салыстырғанда соңғы 20 жылда бірнеше жүздеген халал кәсіпорындар ашылды. Қазіргі таңда «Халал Даму» бақылауында 1000-нан астам кәсіпорын бар», — деген А.Асқарбекұлы Қазақстан халал нарығының әлемдік аренаны бағындырар ауылы алыс еместігін жеткізді.

Бөлісу: