А. Асқарбекұлы медресе шәкірттерімен кездесті

«Халал Даму» директоры Айбек Асқарбекұлы Павлодар облысындағы арнайы іс сапары барысында «Әбу Бәкір Сыддық» медресесі шәкірттерімен кездесіп,  халал тақырыбында семинар өткізді. Семинар аясында «Халал — шариғат талабы»  кітабының таныстырылымы өтіп,  ғылым жолындағы шәкірттерге бірнеше кітап данасы сыйға тартылды. 

«Білімді жастар — біздің болашағымыз,  дініміздің келешек ғалымдары. Өскелең ұрпақтың діни білім алып қана қоймай,  әлемдік тәжірибеге негізделген халал стандарты,  технологиясы,  сертификаттау мен стандарттаудың талап-тәртібі,  ережелері,  халал өнім өндіру ерекшеліктері мен айырмашылықтары жөнінде ақпараты болғаны маңызды. Сондықтан,  әр өңірдегі аудит кезінде  уақытымызды бөліп, медресе шәкірттеріне дәріс өткізуді дәстүрге айналдырдық»,  — дейді Айбек Асқарбекұлы. 

Естеріңізге сала кетейік,  «Халал Даму»  мамандарының Павлодар облысына сапары барысында өңірдегі қоғамдық тамақтану орындары,  сүт фабрикалары,  кондитерлік өндіріс орындары т.б кәсіпорындар тексерілуде.