БҚО: МЕДРЕСЕ ШӘКІРТТЕРІНЕ СЕМИНАР ӨТКІЗІЛДІ

«Халал Даму» директоры Айбек Асқарбекұлы мен Батыс Қазақстан облысының бас имамы Самат Қанатқалиұлы «Орал медресе колледжі» шәкірттерімен кездесіп, халал тақырыбында семинар өткізді. 

«Білімді жастар — біздің болашағымыз, асыл дініміздің жолында қызмет қылатын ғалымдарымыз. Өскелең ұрпақтың діни білім алып қана қоймай, әлемдік тәжірибеге негізделген халал стандарты, технологиясы, халал сертификаттау мен стандарттаудың талап-тәртібі, ережелері, халал өнім өндіру ерекшеліктері мен айырмашылықтары жөнінде ақпараты болғаны маңызды», — деген Айбек Асқарбекұлы шәкірттерге халал турасында кеңінен түсіндіріп, шариғат талабы халал жөнінде баяндады. Сонымен қатар, семинар соңында шәкірттер тарапынан қойылған сұрақтарға жауап беріліп, халал өнімді қолдануға, халалды кеінен насихаттауға шақырды.

Облыстың бас имамы Самат Қанатқалиұлы бүгінгі дәрістің шәкірттер үшін өте пайдалы болғанын жеткізіп, құнды ақпаратымен бөліскен «Халал Даму» директоры Айбек Асқарбекұлына ризашылығын білдірді.