08 желтоқсан 2021

61

Мақалалар

Бразилия – халал еттің әлемдегі ең ірі өндірушісі

**Бразилия 1,17 триллион долларлық айналымы бар халал өнімдер нарығындағы үлесін арттыру үшін ислам елдеріне ауылшаруашылық өнімдерінің экспортын арттыруға тырысып жатыр, деп хабарлайды Reuters.** Дүйсенбі күні Сан-Паулуда өткен бизнес-конференциядағы сөйлеген сөзінде Ауыл шаруашылығы министрлігінің сауда хатшысының орынбасары Флавио Беттарелло Бразилияның Индонезия, Ливан және Марокконың нарықтарына қол жеткізу үшін, осы елдермен келіссөздер жүргізіп жатқанын айтты. Бразилияның Араб сауда палатасы жинаған мәліметтерге сәйкес, 57 мүшеден тұратын Ислам Ынтымақтастық Ұйымы (ИЫҰ) 2020 жылы бидай, жүгері, қант, күріш, сүт және сүт өнімдерін қоса алғанда, 190,5 миллиард долларлық азық-түлік өнімдерін импорттады. Мәліметтерге сәйкес, бұл соманың 14,1 миллиард доллары немесе шамамен 7,5% Бразилияға тиесілі. Флавио Беттарелло ИЫҰ-ның бес елі ғана Бразилияның ауылшаруашылық экспортының шамамен 50% – ын алатын Түркия, Иран, Индонезия, Сауд Арабиясы және Бангладешті осы топтағы ең ірі импорттаушылар деп атады. «Қытай - біздің негізгі сауда серіктесіміз және қытай нарығындағы үлесіміз 21% құрайды», – деді ол азық-түлік экспортын ескере отырып. – «Біз ИЫҰ елдері мен ислам әлеміне қатысуымызды кеңейтуге мүмкіндігіміз бар екенін білеміз». Үкіметтің келіссөздер жүргізуге деген ұмтылысы Бразилияның халал тамақ өнімдерінің әлемдік саудасындағы үлесін арттыруға деген ұмтылысын көрсетеді. Бұл ел қазірдің өзінде мұсылмандардың диеталық талаптарына сәйкес өндірілетін сиыр еті мен тауық етін қоса алғанда, халал еттің әлемдегі ең ірі өндірушісі және экспорттаушысы болып табылады. Abies және ABPA салалық топтары жинаған Үкіметтің мәліметтеріне сәйкес, бразилиялық халал сиыр еті мен тауық етінің экспорты өткен жылы 4,7 миллиард долларды құраған. State of the Global Islamic Economy Report есебі бойынша 2019 жылы мұсылмандар азық-түлік сатып алуға шамамен 1,17 триллион доллар жұмсаған. Сондай-ақ, 2024 жылға қарай мұсылмандардың азық-түлікке 1,38 триллион доллар жұмсайды дегені туралы да болжам бар.

Бөлісу: