ҚАРҒАНДЫ: ӨҢІРДЕГІ АЛҒАШҚЫ ТАҒАМДЫҚ ҚОСПА КӘСІПОРНЫ СЕРТИФИКАТТАЛДЫ

Қарағанды облысында  тағамдық қоспа әзірлейтін алғашқы  кәсіпорын "QMDB halal" сертификатын иемденді. "Про технологии" кәсіпорнының "Zertina" сауда белгісімен шығарылатын 25 түрлі тағамдық қоспалары 3:2016 «Халал өнімдерді өндіруге, дайындауға, өңдеуге, сақтауға, тасымалдауға және сатуға қойылатын жалпы талаптар» стандарты бойынша сертификатталды.

Мекемеге арнайы тексеріс жұмыстарын «Халал Дамудың» Қарағанды облысы бойынша жауапты өкілі  Ысқақ Рахимбекұлы  жүргізіп, кәсіпорын өндірісінің халал стандарт талаптарға сай  екендігін растады. Сонымен қатар, технолог мамандардың тыңғылықты тексерісі мен лабораториялық зерттеудің оң нәтижиесінен кейін, «Қазыбек би» мешітінде    "Про технологии" кәсіпорнына халал стандартына сәйкестігін куәландыратын сертификат табысталды.

Қарағанды облысының баспасөз қызметі