Құрбан айт қарсаңына орай қасапшылардың діни сауатын жетілдіру мақсатында ҚМДБ-ң Нұр-Сұлтан қаласы өкілдігінің ұйымдастыруымен «Қасапшылық – сауапты һәм жауапты іс» тақырыбында қасапшыларға арналған семинар өткізілді. Семинарға «Зекет» қорының директоры Қанат Қыдырмин, «Халал Дамудың» технологы, ветеринарлық санитария ісінің маманы Данияр Бақзейнелұлы мен жергілікті қасапшылар қатысты.

⠀

Қасапшылардың білімін жетілдіру мақсатында ұйымдастырылған семинарда шариғат талабына сай мал сою ережелері, мал сою мен ет өңдеуге қойылатын халал стандарт талаптары түсіндірілді. Шариғатқа сай мал бауыздау талаптары аят-хадис үкімдері, дін ғұламаларының еңбегі негізінде кеңінен тарқатылып айтылды.

⠀

Қатысушылар тарапынан қойылған сұрақтарға жауап беріліп, ел игілігіне қызмет етіп, Құрбан айттың жоспарға сай өтуге ат салысуға шақырды.