ҚАСАПШЫЛАРҒА СЕМИНАР ЖҮРГІЗІЛДІ
**ҚМДБ, Павлодар облысы өкілдігі қасапшыларға семинар жүргізді. Семинарға аудан, ауыл мешіттерінен арнайы жіберген қасапшылар қатысты.** ҚМДБ «Халал Даму» Павлодар облысы, жауапты өкілі Темірғалиев Серік және «Халал Даму» маманы Какенов Қазыбектер қасапшылар арқылы халыққа, кәсіпорындарға жүргізетін түсіндірме жұмыстарының бағыты және алдағы уақытта «Халал» сертификаттауға кәсіпорындарды өткізу бағытындағы іс-жоспарын таныстырды. Сондай-ақ шариғат бойынша малды қалай бауыздау, сою туралы, халал өнімдерге қойылатын талап, қандай өнімдер күмәнді болатыны туралы қасапшылардың білімін пысықтап, осы тақырыптарды кең көлемде талқылап, ауыл, аудандық жердегі кәсіпкерлерге халалдың маңызын түсіндіру жұмыстарын үздіксіз жүргізу тұруды тапсырды.    
