"Халал астың маңыздылығы" атты семинар өтті

ҚМДБ "Халал Даму" ЖШС және Алматы қаласы "Әйелдер-қыздар" секторының ұйымдастыруымен Алматы қаласының Орталық мешітінде "Халал астың маңыздылығы" тақырыбында әйел-қыздар жамағатына семинар өтті. Семинарға ҚМДБ-ның Алматы қаласы бойынша өкіл имамы Нұрбек Әуесханұлы, ҚМДБ "Халал Даму" ЖШС-ның директор орынбасары Ануар Ізімбайұлы, Алматы қаласы "Әйелдер-қыздар" секторының басшысы Ахметова Маржан ханым, "Халал Даму" ЖШС-ның Алматы қаласы бойынша жауапты өкілі Ержан Назарбек және технолог маман Шамшетова Адиля қатысты. Кіріспе сөзді Алматы қаласының өкіл имамы Нұрбек Есмағанбет бастап, Халал мен Харам ұғымы туралы түсінік берді. Сондай-ақ,  бірқатар өзекті мәселелер көтерілді. Атап айтқанда: Халал өнімінің діндегі және қоғамдағы орны, маңыздылығы, ерекшелігі талқыланды. Сонымен қатар, "Тағамдық қоспалар" тақырыбында технолог маманның дәрісі тыңдалды.

ҚМДБ "Халал өнімдерін стандарттау" бөлімі