"Халал Даму ЖШС" өкілдері ғалыммен кездесу өткізді

Сәрсенбі ҚМДБ ғимаратында "Халал Даму ЖШС-ның" Алматы қаласы бойынша жауапты өкіл Назарбек Ержанның ұйытқы болуымен химия ғылымдарының докторы Диас Мырзақожамен кездесу өтті. Жиынға "Халал Даму ЖШС-ның" директоры орынбасары Елжанов Ануар, осы бөлімнің жұмысшы топ мүшелері, Шариғат және пәтуә бөлімінің қызметкерлері, Алматы қаласы бойынша халалға жауапты өкілдер қатысты.

Кездесу барысында ғалымның Халал саласында зерттеп жүрген тәжірибелерімен бөлісе отырып, осы саланы дамытуға, үгіт-насихат жұмыстарын кешенді жүргізіп отыру, халал өнімдерінің маңыздылығын діни һәм тән саулығының кепілі екенін тұтынушыларға, мешітке келуші жамағатқа, кәсіпкерлерге жеткізу қажеттілігіне тоқтала кетті. Доктор Диас Мырзақожа елімізбен қатар Малайзия, Жапония, Еуропа, АҚШ-тың беделді университеттерінде дәріс оқып жүрген азамат.

ҚМДБ Халал өнімдерін стандарттау бөлімі