Челябинскідегі екі бірдей компания «Халал» сертификатқа ие болды (ФОТО)
Челябинск қаласындағы ООО «Объединение «Союзпищепром» және Челябинск облысы, Варна ауылындағы ООО «Варненский комбинат хлебопродуктов» компаниясы ҚМДБ-ның тексерісінен өтіп, Халал сертификатқа ие болды. Сертификатты ҚМДБ-ның Қостанай облысындағы өкіл имамы Асылхан қажы Түсіпбек арнайы табыстады.
Тексеріс барысында өндірістің барлық технологиялық тізбегі бағаланды: шикізат қабылдау, ұн, макарон өндірісі, өсімдік майы, қаптау, сақтау және т.с.с. Сонымен қатар, компания қызметкерлеріне сарапшы маманның «Халал» турасында дәрісі тындалды. Тексерісті ҚМДБ «Халал Даму» ЖШС-ның сарапшы-технолог маманы Омарова Айжан жүргізді.
Аталмыш компания «Царь», «Затейница», «Dr.Naturi», «Союзрищепром», «Корона востока» атты сауда белгісімен танылып, өсімдік шикізатынан әзірленген тағам өндірісі және макарон өндірісімен айналысуда.
Сондай-ақ ООО «Объединение «Союзпищепром» өнімдері шетелге (Қытай, Монғолия, Афганистан, Түрікменстан, Өзбекстан, Қазақстан, ОАЭ, Әзірбайжан, Армения, Грузия, Турция, Израиль, Украина, Молдова, Германия, АҚШ, Канада, Тәжікстанға) экспортқа шығарылуда.
