Алматы облысы, Талғар ауданында жаңадан іске қосылған "Талғар-Ет" ЖК шұжық шығару цехы алғашқы күннен бастап халал өнімдерді өндіру мақсатымен Қазақстан мұсылмандары діни басқармасының жанындағы "Халал Даму" ЖШС-нің сараптамасынан өткен болатын.

Кәсіпорынның өндірісінде пайдаланылатын қоспалардың және өңделетін еттің Халал талаптарына сәйкес болуына орай, "Талғар-Ет" ЖК-не ҚМДБ-ның "Халал" сертификаты табысталды.

Кәсіпорынның қызметкерлері арнайы "Халал және Халал стандарттау" турасында оқыту семинарларына қатысып, бұл салаға қажетті мағлұматтармен танысты.