АЛМАТЫ ОБЛ.: ИМАМДАРҒА СЕМИНАР ӨТКІЗІЛДІ

«Халал Дамудың» Алматы облысы бойынша жауапты өкілі Жанәбіл Жұмабеков Жаңаталап ауылы имамдарына «Халал – шариғат талабы» тақырыбында семинар өткізді.

Іс-шара барысында Жанәбіл Жұмабеков халал индустриясының маңыздылығына тоқталып, шариғат талаптарына сай өнім өндіру мен тұтынудың ерекшеліктерін түсіндірді. Ол халал азық-түліктің негізгі талаптары туралы баяндап, олардың құрамы мен дайындалу процесіне ерекше мән беру қажеттігін атап өтті.

Семинар барысында ет және ет өнімдерінің шариғатқа сай болуы үшін малдың дұрыс сойылуы, қанның толық ағызылуы, сондай-ақ генетикалық модификацияланған организмдер (ГМО), спиртті қоспалар, доңыз өнімдері мен басқа да тыйым салынған ингредиенттердің болмауы маңызды екені түсіндірілді. Сонымен қатар, азық-түлік өнімдерінің қаптамасында «Халал» белгісінің болуы оның сенімділігіне кепілдік бере алмайтыны, тұтынушыларға өнімнің сертификатталғанын мұқият тексеру қажеттігі айтылды.

Семинарға қатысқан имамдар өздерін қызықтырған сұрақтарын қойып, халал өнімдерге қатысты өзекті мәселелер бойынша пікір алмасты.