АЛМАТЫ ОБЛ.: «НЕСІПЖАН ҚАЖЫ» МЕШІТІНДЕ СЕМИНАР

«Халал Дамудың» Алматы облыстық өкілдігінің ұйымдастыруымен Қарасай ауданы, Бекболат ауылы «Несіпжан қажы» мешітінде халал тақырыбында семинар ұйымдастырылды. Семинарды «Халал Дамудың» жергілікті өкілі Жанәбіл Жұмабеков өткізді.

Семинар барысында шариғатымыздағы халалдың орны мен маңызы жөнінде түсіндірген өкіліміз: «Алла пендесі үшін нені халал десе, ол сырда қайыр мен хикмет бар, ал нені харам десе, онда адам ғұмыры үшін ұшан-теңіз зиянның бар екендігі күмәнсіз.», – деп халалдың салмағы мен сұрауы мол екендігін жеткізді.

Сонымен қатар, халал өнімдер технологиясы мен стандарт талаптары, зертханалық тексерістің маңыздылығы, тағамдық қоспалар жөнінде баяндап, жамағат тарапынан қойылған сұрақтарға жауап берді.