АЛМАТЫ ОБЛ.: «ПРИМА ҚҰС» КӘСІПОРНЫНДА АУДИТ

«Халал Даму» технологы Нұрбек Қанатұлы мен жергілікті өкіл Жанәбіл Ахметбекұлы «Прима құс» құс еті, ет және шұжық өндірісі кәсіпорнына кезекті аудит жұмыстарын жүргізді.

Кәсіпорынның өндіріске қатысты барлық технологиялық процестерін, қолданылатын шикізаттың халал стандарттарына сәйкестігін, жұмысшылардың тазалық пен гигиена талаптарына деген ұстанымын, сондай-ақ өндіріс алаңдары мен қондырғылардың қауіпсіздік шараларын мұқият бақылады. Аудит барысында өнімдердің өндірілу жағдайы, сақтау, қаптау және тасымалдау ережелеріне сәйкестігі тексерілді.

Аудит нәтижелері бойынша кейбір ұсақ кемшіліктер анықталып, оларды жою үшін ұсыныстар мен түзетулер берілді. Кәсіпорын өкілдері тиісті шараларды қабылдауға уәде беріп, өздерінің өндіру процесін әрі қарай жақсартуға дайын екендіктерін жеткізді.