Ақтөбе обл.: «Жастық-нан» дәмханасы сертификат жаңартты

Ақтөбе қаласындағы «Жастық-нан» дәмханасы «QMDB Halal» сертификатын жаңартты. Аталған дәмхана «Тамақтандыру қызметтері» және «Халал өнімдерді өндіруге, өңдеуге, дайындауға, сақтауға, тасымалдауға және сатуға қойылатын жалпы талаптар стандарты» бойынша сертификатталды.

«Жастық-нан» дәмханасында бақылау-қадағалау шараларын жүргізген «Халал Дамудың» бас сарапшы-технологы Айжан Омарованың айтуынша: «Дәмхананың тамақ өнімдерін дайындау және қайта өңдеу кезінде қолданылатын азық-түлік шикізаты, тағамдық қоспалары толықтай тексерістен өткізілді. Өйткені азық-түлік шикізаты мен тамақ өнімдерінің адалдығы мен тазалығы, қауіпсіздігі – тұтынушылар денсаулығы үшін аса маңызды. «Жастық-нан» дәмханасы «Халал Даму» бекіткен стандарт талаптарына толықтай сай».

Ақтөбе қаласының қонақтары мен тұрғындарын қол жетімді бағада адал әрі дәмді ас мәзірін ұсынатын «Жастық-нан» дәмханасынан дәм татуға шақырамыз! Мекен-жайы: Ақтөбе қаласы Абай даңғылы, 19

«Жастық-нан» дәмханасына берілген халал сертификат 29.10.2021-28.10.2022 мерзімі аралығында жарамды.