ҚАРАҒАНДЫ: «HALAL SLICE» ДӘМХАНАСЫ СЕРТИФИКАТТАЛДЫ

Қарағанды қаласындағы халал кәсіпорындар саны тағы бір дәмханамен толықты. Атап айтқанда, «Halal Slice» дәмханасы «QMDB Halal» сертификатына ие болды. «Халал Дамудың» жергілікті жауапты өкілі Амангелді Асқаров дәмхана өкіліне халал сертификатын табыстап, кәсіптеріне береке тіледі.

«Дәмханаға сертификат табыстар алдын бірнеше мәрте аудит шаралары орындалып, қолданыстағы шикізат пен өзге де қосымша өнімдері халал түрлерімен алмастырылды. Технологтармен бірлескен жұмыстың оң нәтижесінен кейін, сертификат беру жөнінде шешім қабылданды. Дәмханада алдағы уақытта айлық тексеріс жүргізіліп тұрады», – деп хабарлайды маманымыз.

«Halal Slice» дәмханасына берілген сертификат 07.12.2023-06.12.2024 жж мерзімі аралығында жарамды. Дәмхананың мекен-жайы: Қарағанды қаласы, Шахтеров көшесі, 1/5