АТЫРАУДА БІРНЕШЕ КӘСІПОРЫН СЕРТИФИКАТТАЛДЫ

Атырау облысындағы «Muslima Halal food» және «Мар-ал» жартылай фабрикаттары, «Сыбаға» ет дүкені «QMDB Halal» стандарты бойынша сертификатталды. Облыстың бас имамы А.Ұтысханұылының жеке қабылдауында болған кәсіпорын өкілдеріне ресми түрде халал сертификаты табысталды. Сонымен қатар, «Атырау ет орталығы» қасапханасының басшысы Азамат Нұрланұлы «2023 жылғы ауыл шаруашылығының үздігі» марапатына ие болды.

«Өңірдегі халал кәсіпорындар саны ұлғаюда. Бұл жергілікті халықтың халал өнімге сұранысының артуы деп түсінеміз. Осы орайда, сертификатталған халал кәсіпорындар жұмысы мемлекет тарапынан да жоғары бағаланып, үздіктер қатарынан көрінуде. Мұндай нәтиже – «Халал Даму» мен жергілікті өкілдіктің белсенді қызметінің нәтижесі деп білеміз», – бас имам А.Ұтысханұлы.