Қазақстанның Малайзиядағы елшілігімен кездесу өтті

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хазіреттің тапсырмасымен Малайзияға арнайы сапармен барған найб мүфти Ершат Ағыбайұлы мен Халал Даму директоры Айбек Асқарбекұлы Малайзиядағы Қазақстанның Елшісі Болат Сүгірбаевпен кездесті. Кездесу барысында Бас мүфтидің сәлемін жеткізді.

Сонымен қатар, Отандық халал индустриясын одан әрі дамыту және халықаралық байланыстарды нығайту мақсатында жасалған іссапарға жан-жақты жасалған қолдауы үшін алғысын айтты.