ӘЛЕМДІК ЖАҢАЛЫҚТАР: ХАЛАЛ САЛАСЫНДАҒЫ ЕҢ ҮЛКЕН КӨРМЕ

Ислам Бірлестігі Ұйымының ұйымдастыруымен Түркияның Станбұл қаласында халал саласындағы ең үлкен «OIC Halal Expo» көрмесі басталды. Көрме Станбұлдағы «Istanbul Fuar Merkezi (IFM)» көрме орталығында өтуде.

Жобаның негізгі міндеті – халал өнімдердің әлемдік және ұлттық нарықтағы бәсекеге қабілеттілік деңгейін арттыру, әлемнің әр түпкірінен келген қатысушы компаниялардың әлеуетін нығайту. Көрмеде тамақ өнеркәсібі өнімдері, органикалық және дәстүрлі өнімдер, косметика, фармацевтика, Ислам қаржысы, қонақ үй ісі, халал және сауықтыру туризмі, стандарттау және сертификаттау секілді салалар қарастырылады.

Бизнес өкілдері, өндірушілер мен дистрибьюторлар, халал стандарттау және сертификаттау саласының мамандары және БАҚ өкілдерін біріктірген көрме 23-26 қараша аралығында жалғасады.