ҰЛЫТАУ: «MAKI-MAKI» СЕРТИФИКАТЫ ЖАҢАРТЫЛДЫ

Ұлытау облысындағы «Maki-Maki» фаст-фуд дәмханасының «QMDB Halal» сертификаты жаңартылды. Сертификатты «Халал Дамудың» жергілікті өкілі Дархан Бейсембаев табыстады. 

Сертификаттау процесі барысында мекеменің өндірістік кезеңдері, пайдаланылатын шикізаттары мен өнімдерінің құрамы мұқият тексерілді. Барлық талаптарға сай келген соң, кәсіпорынға «QMDB Halal» сертификатын табыстау жөнінде шешім қабылданды.

«Халал Даму» мамандары бекітілген стандарт талаптарының сақталуын қадағалауды әрі қарай да жалғастыратынын және мекеме өнімдерінің тұрақты түрде бақылауда болатынын жеткізді.

«Maki-Maki» фаст-фуд дәмханасына берілген сертификат 10.09.2024-09.10.2025 жж аралығында жарамды. Дәмхананың мекен-жайы: Ұлытау облысы, Жезқазған қаласы, Байқоңыров көшесі, 116а.