МЕШІТ ИМАМДАРЫНА СЕМИНАР ӨТКІЗІЛДІ

Алматы облысы, Алатау қаласы, Қоянқұс ықшам ауданы «Абахалис Әбдікәрімұлы» мешіті имамдарына халал жөнінде семинар өткізілді. Семинарда «Халал Дамудың» Алматы облысы бойынша жауапты маманы Жанәбіл Ахметбекұлы дәріс оқыды.

Семинар барысында Жанәбіл Ахметбекұлы кәсіпорындарға қалай тексеріс жұмыстары жүргізілетінін, халал сертификаттары қалай берілетінін және енгізілген өзгерістер төңірегінде түсіндірме жұмыстарын жүргізіп, табиғи қоспалар және доңыздан өндірілген түрлі заттардың діни және ғылыми негіздерге сүйеніп, харамдығын түсіндірді. Сонымен қатар: «Құран Кәрімде: Алла Тағаланың ұлы сөздері қасиетті Құран Кәрімде адамзат баласына көл-көсір нығметтер беріп, жер бетіндегі халал мен харам нәрселердің ара жігін айырып көрсеткен. Алла пендесі үшін нені халал десе, ол сырда қайыр мен хикмет бар, ал нені харам десе, онда адам ғұмыры үшін ұшан-теңіз зиянның бар екендігі күмәнсіз», – деп халал өнімдердің адам өміріндегі маңыздылығына тоқталды.