ӨСКЕМЕНДЕГІ КӘСІПОРЫНДАР ТЕКСЕРІЛДІ

"Халал Даму" технологы, ветеринарлық санитария ісінің маманы Данияр Сафиевтің Өскеменге сапары барысында өңірдегі сертификаттаудан өткен кәсіпрорындарда кезекті айлық тексеріс жүргізілді. Ревизорлық бақылау-қадағалау шараларын орындауға жергілікті инспектор-контролер Үмбет Досжан да қатысты. Тексеріс барысында "Ұлан ет консерві" зауыты, "Адал ет" ет дүкені, "Iskander Mangal" дәмханасы, "Воронов" сұйық май өндірісі, "Крупы Востока" құрама жем өндірісі қадағаланды.

"Таза, пайдалы, сапалы тамақ өнімдерін  өндіру – халықтың қажеттілігін қанағаттандырудағы экономиканың негізі құраушы элементтерінің бірі. Сондықтан тамақ өндірісі мемлекеттің азық-түлік қауіпсіздігін мен сұранысын  қамтамасыз етуі тиіс. Осы ретте халал өнімдердің алар орны маңызды. Себебі, "халал" таңбасы өнімнің шариғатқа сай адал, адам денсаулығына зиянсыз, таза, пайдалы екенін білдіреді. Бүгін бақылау-қадағалаудан өткен кәсіпорындар да осы талаптарға толықтай сай. Қадағалаудан өткен өндіріс орындары бекітілген халал стандарты талаптарына сай өнім өндіріп, қызмет көрсетуде. Кәсіпорындарда стандарт талаптарын бұзу жағдайлары тіркелмеді", – деген Данияр Сафиев бақылау-қадағалау шараларының оң нәтиже көрсеткендігін мәлімдеді.