«OTAN GREEN FOOD» ҚҰС ФАБРИКАСЫНДА АУДИТ

Алматы облысына арнайы іссапармен барған «Халал Даму» технологы Нұрбек Қанатұлы мен халалдың жергілікті жауапты өкілі Жанәбіл Ахметбекұлы өңірдегі ірі кәсіпорындардың бірі – «AISER» құсфабрикасында бақылау-қадағалау шараларын жүргізді.

«Aiser» құс еті өнімдерін өндіруші «Otan green food» кәсіпорны Алматы облысы, Тиірмен ауылында орналасқан. Кәсіпорын еліміздің оңтүстігімен қатар өзге де өңірлерді халал құс етімен қамтамассыз етіп отыр. «Халал Дамудың» бақылаушы комиссиясы жүргізген тексеріс нәтижесі бойынша «Aiser» құсфабрикасында «QMDB Halal» стандарты талаптарын бұзу жағдайлары тіркелмеді. Құс бауыздау, өңдеу, өндіру, дайындау, сақтау, тасымалдау және сатудың барлық кезеңдері бекітілген талаптарға сай орындалуда. Тексеріс шараларынан кейін, «Otan green food» кәсіпорны қызметкерлеріне халал өнім өндіру технологиясы, тағамдық қоспалар, өндіріс барысына қойылатын стандарт талаптары бойынша оқу-семинар өткізілді.

Қорыта айтқанда, «Otan Green Food» кәсіпорнының «AISER» құсфабрикасы халал стандарттарына толық сәйкес келеді, әрі өз өнімдерінің сапасын үнемі бақылауда ұстайды. Осылайша, кәсіпорын ішкі және халықаралық нарықтағы бәсекеге қабілеттілігін арттырып, халал өнімдер өндірісінде маңызды рөл атқаруда.