«Первомайские деликатесы» шұжық цехы тексерілді

«Халал Даму» мамандарының Алматы облысындағы іс сапары барысында «Первомайские деликатесы» шұжық цехы тексерілді. Бақылау-қадағалау шараларын «Халал Даму» директоры Айбек Асқарбекұлы, технологтар Данияр Сафиев, Әсел Сыдық, жергілікті инспектор-контролер Жұмабеков Жанәбіл жүргізді.

«Алматы облысында азық-түлік өндірісі жылдам қарқынмен дамып келеді. Жыл сайын өңірде тамақ өнеркәсібі бағытындағы жаңа кәсіпорындар ашылып, өндіріс ауқымын кеңейтуде. Өңірдегі сондай ірі кәсіпорындардың бірі – «Первомайские деликатесы» шұжық өндіру цехы. Аталған кәсіпорында тыңғылықты тексеріс жұмыстары жүргізіліп, шұжық өнімдерін өндіру, өңдеу, дайындау, сақтау, тасымалдау, сақтау, сату кезеңдері түгелдей қадағаланып, шикізаттары мен тағамдық қоспалары тексерілді», – деген бақылаушылар цехында бекітілген халал стандарты талаптарын бұзу жағдайлары тіркелмегендігін жеткізді.