"ПИР" шұжық цехы тексерілді

"Халал Даму" директоры Айбек Асқарбекұлының Алматы қаласындағы іс сапары барысында "ПИР" шұжық цехында ревизорлық бақылау-қадағалау шаралары жүргізілді. Аудит  шараларын орындауға жергілікті инспектор-контролер Маратхан Мұхтарханұы да қатысты.

"Халал өнімдерінің қатарында сұранысқа ие азық-түліктердің бірі – шұжық. Шұжық өндірісіндегі түрлі рецептер мен жаңа технологиялар дайын өнімнің сан алуан түрін даярлауға мүмкіндік береді. Алайда, халал шұжық өнімдеріне қойылатын талап бір – шариғат бойынша рұқсат етілген, халал стандартқа сай шикізат пен тағамдық қоспаларды қолдану, өндірісте де бекітілген талаптарды сақтау. Шұжық – өте күрделі өндірістердің бірі болғандықтан, халал өнімді халыққа ұсыну үшін кәсіби мамандар мен дін қызметкерлерінің тікелей бақылау-қадағалауын қажет етеді.  Кәсіпорынға берілген сертификаттың жарамдылық мерзімінің аяқталуына байланысты қайта жаңарту жұмыстары жүргізіліп, бүгін де ревизорлық бақылау-қадағалау шаралары орындалды. Тексеріс барысында бекітілген стандарт талаптарын бұзу жағдайлары тіркелмеді", – деді Айбек Асқарбекұлы.