ҚАРАҒАНДЫДАҒЫ КӘСІПОРЫНДАР ТЕКСЕРІЛУДЕ

Қарағанды облысындағы "QMDB Halal" стандарты бойынша сертификатталған кәсіпорындарда кезекті ревизорлық бақылау жұмыстары жүргізілуде. Бақылау-қадағалау шараларын "Халал Дамудың" жергілікті инспектор-контролер маманы Ысқақ Абдрахманов пен технолог Айзат Сатаева орындады.

Кезекті бақылау барысында "Halva" дәмханасы, "Carla's Cake", "Happy cake" кондитерлік өндірісі, "MEDIEVA suсhi&pizza" фаст-фуд өнімдері мен "Firdaus" мейрамханасының ішкі санитарлық тазалығынан бастап, өндірістік техникалық құрал-жабдықтары, шикізат көздері мен тағамдық қоспалары, шариғат шарттары мен стандарт талаптарына сай өнім өндіруі, қызметкерлердің бекітілген талап-ережелерді сақтауы тексерілді. Сонымен қатар халал стандарты бойынша сертификаттаудан өтуге өтініш білдірген «Unitea» шай өндірісі кәсіпорнында да аудит шаралары жүргізілді. 

Мамандар Қарағандыдағы кәсіпорындарда жүргізілген тексеріс қорытындысының  оң нәтиже көрсеткендігін жеткізді.