ШҚО: «ЭМИЛЬ» СҮТ ӨНІМДЕРІ ТЕКСЕРІЛДІ

«Халал Даму» технологы Мейіржан Бауыржанұылының Шығыс Қазақстан облысына іс-сапары барысында «Эмиль» сүт өнімдері тексерілді. Аудит шарасында халалдың жергілікті өкілі Қаламов Қуаныш та қатысты.

«Эмиль» 1993 жылы құрылған сүт өнімдерін өңдеу және өндірумен айналысатын 30 жылдық тарихы бар ірі кәсіпорын. Сүт, қаймақ, айран, ірімшік, май секілді 120-дан астам өнім түрлерін өндіреді. Тексеріс барысында кәсіпорынның бекітілген халал стандарт талаптарын сақтауы басты назарға алынды. Сүт өнімдерін өндіру, қаптау, сақтау, тасымалдау барысында замануи және жоғарғы сапалы, құрал-жабдықтар қолданылады. Айлық аудит қорытындысына сәйкес, сүт фабрикасының барлық процессінде «QMDB Halal» стандарт талаптары толықтай орындалуда», – деп хабарлайды жауапты маманымыз.