Шымкент: Әйел жамағатына семинар өткізілді

Шымкент қалалық орталық мешітінде «Халал-шариғат талабы» кітабының таныстырылымы өтті. Шараға «Халал Дамудың» технологы Аружан Аралбай мен жергілікті әйел жамағаты қатысты.

«Бұл еңбекте халал мен харамға, оның амал-құлшылыққа тигізер әсеріне, дастархандағы астың тазалығы мен адалдығына, адал өнім тұтынудың ұрпақ денсаулығы мен тәрбиесіне тигізер ықпалына қатысты маңызды мәліметтер, пайдалы ақпараттар мен анықтамалар берілген. Әлемдік халал стандарттарында көрсетілген құнды деректерді баяндай отырып, шариғатымыз бойынша харам және күмәнді болып саналатын өнімдерден сақтанудың жолдары ұсынылады. Мұсылмандық дүниетаным мен қазақи пайымды салыстыра отырып, халал төңірегіндегі өзге де мәселелерді қозғайды» деген «Халал Даму» маманы арнайы баяндама жасап, тыңдармандарға бірнеше дана кітапты сыйға тартты.